Hemen zaude: Hasiera → Pribatutasun politika orokorra → Bosgarren edukiontziaren, errefusaren eta ontzien edukiontzien tratamenduari buruzko pribatutasun-politika
 

Bosgarren edukiontziaren, errefusaren eta ontzien edukiontzien tratamenduari buruzko pribatutasun-politika

Arduraduna

Nor arduratzen da zure datuak tratatzeaz?

  • DEBABARRENA ESKUALDEKO MANKOMUNITATEA
  • IFK: G20079703
  • Eskubideak baliatzeko posta helbidea: Egigurendarren kalea, 2 behea, 20060, Eibar, Gipuzkoa
  • Eskubideak baliatzeko helbide elektronikoa: debabarrena@debabarrena.eus.

Xedea

Zertarako tratatzen ditugu zure datuak?

Mankomunitateak honako xede hauetarako tratatzen ditu jasotako datu guztiak:

  • Mankomunitatea osatzen duten udalerrietako biohondakinen eta errefus zatiaren gaikako bilketa zerbitzua kudeatzeko. Eta saltokien eta ostalaritzaren kasuan, biohondakinen atez ateko bilketa-zerbitzua eta ontzien frakzioa kudeatzea.
  • Edukiontzia irekitzeko txartel pertsonalizatua igortzea eta establezimenduetan atez ateko bilketa egiteko, TAG pertsonalizatua jaulki behar da, kuboen erabilera identifikatzeko.
  • Zaintza eta ikuskaritzarako, edukiontzien erabilera egiaztatzeko.
  • Zehapen araubidea aplikatzeko.
  • Tasetan ipinitako penalizazioetarako.
  • Herritarrek egindako erreklamazioak kudeatzeko, zehapen araubidearekin lotuta.
  • Galdutako txartelak eta hondatutako ontziak kudeatzeko.
  • Mankomunitateak egindako administrazioarekin lotutako zerbitzu jarduerak kudeatzeko.

Legitimazioa

Zein da zure datuak tratatzeko legitimazioa?

  • Botere publikoa egikaritzea: Datuak Babesteko Europako Erregelamendu Orokorraren 6.1.e) artikulua.
  • 7/1985 Legea, apirilaren 2koa, Toki Araubidearen Oinarriak arautzen Dituena.
  • 2/2016 Legea, apirilaren 7koa, Euskadiko Toki Erakundeei buruzkoa.
  • 3/1998 Legea, otsailaren 27koa, Euskal Autonomia Erkidegoko ingurumena babesten duena. 
  • 7/2022 Legea, apirilaren 8koa, ekonomia zirkularrerako hondakinei eta lurzoru kutsatuei buruzkoa.
  • Hiri hondakinen gaikako bilketa zerbitzua arautzeko ordenantza, 2018ko maiatzaren 16koa.
  • Asimilagarriak diren Industriako, Merkataritzako eta Erakundeetako Hondakinak gaika biltzeko zerbitzua arautzen duen ordenantza, 2018.a.

Hartzaileak

Nori jakinarazten dizkiogu zure datuak?

Zure datu pertsonalak ez dira lagako, nola eta ez den beharrezkoa lege obligazioak betetzeko, kanpo hornitzaileek zerbitzua eman ahal izateko, eta datu tratamendu honi eta haren xedeei lotutako zerbitzuei babes emateko.

Udalei, zaborren udal tasa kobratzeko.

Nazioarteko transferentziak

Bidaltzen ditugu zure datuak Europar Batsunetik kanpo?

Datuak kudeatzeak ez du eskatzen datuon nazioarteko transferentziak egitea.

Gordetzea

Zenbat denboraz gordeko ditugu zure datuak?

Alor honetako jarduerak kudeatzearekin lotutako datu pertsonalak gorde egingo dira, harik eta delako pertsonari eskainitako zerbitzuak irauten duen bitartean; horren ostean, blokeatu egingo dira, eta halaxe jarraituko dute harik eta erator litezkeen erantzukizunak eskatzeko preskripzio epea igaro arte, baita artxibo eta dokumentazio araudietan ezarritako aldian ere.

Erakundeko langile espezifikoek bakarrik izango dute blokeatutako datuetarako sarbide murriztua.

Tratamendua eska dezaketen datu ekonomikoak gorde egingo dira, aplikatzekoa zaien zerga legeria betetzeko beharrezkoa den denbora tarteetan.

Eskubideak

Zein dira zure eskubideak, datuak ematen dizkiguzunean?

Edozer pertsonak du eskubidea baieztapen bat jasotzeko, baldin eta DEBABARRENA ESKUALDEKO MANKOMUNITATEA pertsona horren datu pertsonalak tratatzen ari baldin bada.

Hala, interesdunek beren datu pertsonalak kontsultatzeko aukera izango lukete, baita zehatzak ez diren datuak zuzentzea edo ezabatzea eskatzekoa ere; halaber, datu horiek ezabatzeko ere eskatu ahal izango dute, besteak beste, ez badira beharrezkoak bere garaian jaso ziren xederako.

Inguruabar batzuetan, interesdunek beren datuen tratamenduak mugatzeko eska dezakete. Kasu horretan, erreklamazioak egiteko edo defendatzeko soilik gordeko lirateke.

Kasu batzuetan, eta egoera partikular bakoitzarekin erlazionatutako arrazoiengatik, interesdunek aurka egin ahal izango diote datuen tratamenduari. Hala denean, erakundeak datuak tratatzeari utziko dio, halabeharrezko arrazoi legitimoen kasuan edota erreklamazio posibleak egikaritzean edo defendatzean izan ezik.

Interesdunek datuen eramangarritasuna eskatu ahal izango dute, DEBABARRENA ESKUALDEKO MANKOMUNITATEARI helarazitako datuak erabilera komuneko eta irakurketa mekanikoko formatu egituratu batean eskuratzeko, beren kabuz deskargatzeko edota Debabarrena Eskualdeko Mankomunitatetik beste erakunde batera transmititzeko.

Interesdunak bere eskubideak baliatu ahal izango ditu, goian adierazitako helbideetara jota.

Pertsonak iritziko balio bere eskubideak ez direla behar bezala artatu, eskubidea izango du erreklamazio bat aurkezteko Datuak Babesteko Euskal Agentziaren aurrean, www.avpd.es webgunean adierazitako posta helbidean eta/edo helbide elektronikoan.

Segurtasuna

Ezarritako segurtasun neurriak, teknikoak eta antolaketarekin lotutakoak, Segurtasunerako Eskema Nazionala Administrazio Elektronikoaren eremuan arautzen duen urtarrilaren 8ko 3/2010 Errege Dekretuan jasotakoak izango dira, zeinak deskribatuta ageri baitira Debabarrena Eskualdeko Mankomunitatearen datuen babeserako eta informazioaren segurtasunerako politika osatzen duten dokumentuetan.